हृदेश त्रिपाठी नयाँ पार्टी खोल्दै, २८ गते घोषणा

टुडेपाटी–
काठमाडौं, मंसिर २४ गते ।

पूर्व मन्त्री तथा सांसद हृयदेश त्रिपाठी नयाँ पार्टी घोषणा गर्ने भएका छन् ।

त्रिपाठीले आफ्नो नेतृत्वमा जनता प्रगतिशील पार्टी घोषणा गर्ने तयारी गरेका हुन् ।

त्रिपाठीले २८ गते पार्टी घोषणाको कार्यक्रम राखेको जनाएका छन् । सोही दिन पार्टीको नाम, झण्डा र राजनीतिक दस्तावेज सार्वजनिक गर्ने उनले जनाएका छन् ।

त्रिपाठी, विजेशकुमार गुप्ता लगायतका तत्कालीन राजपाबाट अलग भएका नेताहरुले २०७४ को चुनावमा स्वतन्त्र राजनीतिक समूह बनाएका थिए ।

एमालेसँग तालेमल गरेका उनीहरुले सूर्य चुनाव चिन्ह लिएर चुनाव लडेका थिए ।

आफूले बनाउन लागेको पार्टीमा तत्कालीन स्वतन्त्र राजनीतिक समूहमा आवद्ध नेताहरु मात्र नभई अरु पनि रहेको त्रिपाठीले बनाए ।