हेलिकप्टर दुर्घटनामा भारतीय सेना प्रमुख रावल सहित १३ जनाको निधन

एजेन्सी–
काठमाडौँ, मंसिर २२ गते ।

हेलिकप्टर दुर्घटनामा भारतीय सेनाका प्रमुख विपिन रावतको निधन भएको छ । बुधवार भारतीय वायुसेनाको एमआई १७ हेलिकप्टर दुर्घटना हुँदा त्यसमा सवार १४ जनामध्ये १३ जनाको निधन भएको पुष्टि भएको छ ।

हेलिकप्टरमा सवार सेना प्रमुख रावत, उनको श्रिमती मधुलिका रावत सहित १३ जनाको निधन भएको भारतीय सेनाको अधिकारीक ट्विटरबाट ट्विट गरिएको छ ।

हेलिकप्टर दुर्घटनामा क्याप्टेन वरुण सिंह घाइते भएका हुन् । उनको उपचार वेलिंगटनको मिलिटरी अस्पतालमा उपचार भइरहेको भारतीय सेनाले जनाएको छ ।

सुलुरस्थित आर्मी बेसबाट उडेको हेलिकप्टर वेलिङ्टनस्थित डिफेन्स सर्भिस स्टाफ कलेजमा जाँदै थियो । दुर्घटना भएको ठाउँ वेलिङ्टनबाट १० किलोमिटर दुरीमा रहेको जनाइएको छ ।

यता भारतीय प्रधानमन्त्री नरेन्द्र मोदी यस दुर्घटनामा दुःख व्यक्त गरेका हुन् ।