नेपालमा पुन: एक कोरोना संक्रमित फेला, संख्या ७ पुग्यो

टुडेपाटी

पोखरा, चैत २१ गते ।

नेपालमा कोरोनाका सातौं संक्रमित फेला परेका छन् । कोरोनाको छैटौं संक्रमित फेला परेको भोलिपल्टै भारतबाट फर्किएका कास्कीका एक व्यक्तिमा कोरानाको संक्रमण देखिएको हो ।

पोखरा स्वास्थ्य विज्ञान प्रतिष्ठानले गरेको परीक्षणमा कोरोनाको संक्रमण पोजेटिभ देखिएको यो पहिलो घटना हो । तर यसलाई पोखरा स्वास्थ्य विज्ञान विज्ञान प्रतिष्ठानले भने केन्द्रिय प्रयोगशालाबाट पुन : परिक्षण गरेपछि मात्रै सार्वजनिक गर्ने तयारी गरेको छ ।

ती व्यक्तिको नमूना संकलन गरेर पुनःपरीक्षणका लागि केन्द्रिय प्रयोगशाला पठाइएको छ। यो सँगै नेपालमा कोरोना संक्रमितको सङ्ख्या ७ पुगेको छ भने गण्डकी प्रदेशमा मात्रै तीनजनामा संक्रमणको पुष्टि भएको छ । यसअघि बाग्लु्ङका दुई महिलामा कोरोना भाइरसको संक्रमण भेटिएको छ । उनिहरुको बाग्लुङस्थित धौलागिरी अञ्चल अस्पतालमा उपचार हुदैंछ ।