मलेसियामा पनि फेला पर्‍यो ओमिक्रोन

टुडेपाटी–
काठमाडौं, मंसिर १७ गते ।

कोरोना भाइरसको नयाँ भेरियन्ट मलेसियामा समेत फेला परेको छ । दक्षिण अफ्रिकामा पहिलो पटक पहिचान गरिएको नयाँ भेरियन्ट ओमिक्रोन फैलिने क्रम जारी छ ।

मलेसियाका स्वास्थ्य मन्त्री खयरी जमालुद्दिनले आफ्नो मुलुकमा ओमिक्रोनको पहिलो संक्रमण पुष्टि भएको बताएका हुन् ।

नोभेम्बर १९ गते दक्षिण अफ्रिकाबाट सिंगापुर हुँदै मलेसिया आएका विदेशी यात्रुमा संक्रमण देखिएको उनको भनाइ थियो ।

मलेसियाको स्वास्थ्य विभागले समेत दक्षिण अफ्रिकाबाट आएका २५४ जना यात्रुमध्ये एकजनामा ओमिक्रोन पुष्टि गरेको छ । ती यात्रुमध्ये कम्तिमा ८३ जनामा कोरोना नेगेटिभ देखिएको, १३४ जनाको परीक्षण रिपोर्ट आउन बाँकी रहेको र ३५ को स्वाब परीक्षण गर्नु नपरेको विभागको भनाइ छ ।