बहुमतको सरकार बनाउन सबै निर्वाचन क्षेत्रमा चुनाव लड्नु पर्छ : उपसभापति निधि

टुडेपाटी–
जनकपुरधाम, मंसिर १६ गते ।

नेपाली काँग्रेसका उपसभापति विमलेन्द्र निधिले बहुमतको सरकार बनाउनको लागि सबै निर्वाचन क्षेत्रमा लडनुपर्ने बताएका छन् ।

उनले संघ देखि लिएर वडासम्म सबै स्थानबाट चुनाव लड्नुपर्ने बताएका हुन् ।

बिहिबार जनकपुरधाममा शुरु भएको पहिलो प्रदेश अधिवेशनमा बोल्दै निधिले काँग्रेस प्रदेश २ मा बहुमत ल्याउन नसके देशमा समेत बहुमत ल्याउन नसक्ने बताएका छन् ।

‘जब सम्म काँग्रेस प्रदेश २ मा जित्दैन तब सम्म देशमा बहुमतिय एकलो सरकार बन्दैन तब सम्म संघीय लोकतान्त्रिक गणतन्त्रात्मक प्रणालीको सफल कार्यान्वयन हुँदैन्’, उनले भने ।

उपसभापति निधिले प्रदेश २ लाई अन्य पार्टीको जिम्मा नछोड्न भन्दै भने, ‘प्रदेश २ मा दोस्रै पार्टीको सरकार रह्यो भने के हुन्छ भनेर सोँच्छौ भने यहाँ पनि जान्छ, केन्द्रमा पनि जान्छ । यस कुरालाई ध्यानमा राखेर आगामी सरकार काँग्रेसको बहुमतको एकल सरकारको नाराको साथ यस अधिवेशनको अन्त्य गरौँ ।’