महोत्तरीमा राति घरबाट बोलाएर धारिलो हतियार प्रहार गरी महिलाको हत्या

टुडेपाटी-
जनकपुरधाम, मंसिर १५ गते ।

महोत्तरीमा धारिलो हतियार प्रहार गरी एक महिलाको हत्या भएको छ ।

लोहारपट्टी नगरपालिका ६ लोहारपट्टी बजार नजिक बस्ने सुरेन्द्र मण्डलकी श्रीमती ३४ वर्षीया रुबी मण्डलको हत्या भएको हो ।

राति आफ्नै घर नजिक अज्ञात समूहहले टाउँकोसहितको विभिन्न भागमा धरीलो हतियार प्रहार गरी हत्या भएको महोत्तरीका प्रहरी उपरीक्षक (एसपी) दिनेश आचर्यले टुडेपाटीलाई जानकारी दिए ।

बिहान महिलाको हत्या भएको अवस्थामा शव देखेपछि स्थानीयले प्रहरीलाई खबर गरेका थिए ।

• 

एसपी आचार्यका अनुसार राति ढोका लगाएर घरमा बसिरहेका बेला बाहिरबाट अपरिचित व्यक्तिले बोलाएर घरबाट केहि पर लगि धारिलो हतियार प्रहार गरी हत्या गरेको मृतकका छोराले बयान दिएका छन् ।

हत्या कसले किन गरेको भन्ने विषयमा घटनास्थलको अनुसन्धान जारी रहेको एसपी आचार्यले बताए ।

मृतककी श्रीमान वैदेशिक रोजगारको शिलशिलामा भारतको पन्जाबमा छन् ।