सहिदनगरमा माओवादी केन्द्रको नगर अधिवेशन सम्पन्न, अध्यक्षमा तनुकलाल

टुडेपाटी-
जनकपुरधाम, मंसिर ९ गते ।

धनुषाको हिदनगर नगरपालिकमा नेपाल कम्युनिष्ट पार्टी माओवादी केन्द्कोको नगर अधिवेशन सम्पन्न भएको छ ।

माओवादी कन्द्रका केन्द्रिय सदस्य तथा धनुषा जिल्ला इन्चार्ज श्रवण बरबरिया यादवको प्रमुख अतिथ्यमा नगर अधिवेशन सम्पन्न भएको हो ।

नगर अधिवेशनबाट तनुकलाल कुसियैत यादवको अध्यक्षतामा नगर कमिटी सर्वसहमतिबाट चयन भएको छ ।

कमिटीको उपाध्यक्षमा सुरेश कापर , हेमशंकर भण्डारी , अर्विन्द चौधरी चयन भएका छन् ।

यस्तै कमिटीको सचिवमा रामकिशोर पासमान, सहसचिवमा रुपेश बिराजी र कोषाध्यक्षमा उर्मिला देवि मल्लिक चयन भएको सहिदनगरका मेयर उदय बरबरियाले जानकारी दिए ।

निर्वाचित नव कमिटीका पदाधिकारीलाई आजै प्रमाणपत्र वितरण गरिएको छ ।