राष्ट्रपति भण्डारी आज महोत्तरी आउँदै, मटिहानीमा भव्य स्वागतको तयारी

टुडेपाटी
महोत्तरी, मंसिर ६ गते ।

राष्ट्रपति विद्यादेवी भण्डारी आज महोत्तरी आउँदै छिन् ।

मटिहानी नगरपालिका स्थित मटिहानीका धार्मिकस्थल, संस्कृत शिक्षाको पुरानो केन्द्र रहेको ३०३ वर्ष पुरानो पाठशालाको अवलोकनसँगै नवनिर्मित रङ्गशाला समुद्घाटन गर्न राष्ट्रपति भण्डारी आज आउन लागेकी हुन् ।

उनले जलेश्वर स्थित प्रसिद्ध जलेश्वरनाथ महादेव मन्दिरमा पनि पूजाअर्चना गर्ने कार्यक्रम रहेको बुझिएको छ ।

आज बिहान १० बजे नेपाली सेनाको हेलिकप्टरबाट राष्ट्रपति भण्डारी जलेश्वरमा आउने राष्ट्रपति कार्यालयले जनाएको छ ।

उनको स्वागतको लागि मटिहानी नगरपालिकामा भव्य तयारी गरिएको छ ।