सप्तरीमा ट्याक्टर मोटरसाइकललाई ठक्कर दिएर पल्टिँदा १ जनाको मृत्यु, ७ घाइते

टुडेपाटी-
जनकपुरधाम, मंसिर ३ गते ।

सप्तरीम ट्याक्टर दुर्घटना हुँदा १ जनाको मृत्यु भएको छ । अन्य ७ जना घाइते भएका छन् ।

शुक्रबार बिहान सवा ७ बजेको समयमा सप्तरीको खडक नगरपालिका ६ विरपुर स्थित पुर्व पश्चिम लोकमार्गमा पश्चिमबाट पुर्वतर्फ जाँदै गरेको स १ त ६२५६ नं.को ट्याक्टरले विपरित दिशाबाट आउदै गरेको बा ९३ प ३५९ नं.को मोटरसाईकल लाई ठक्कर दिएपछि दुर्घटना भएको हो ।

ट्याक्टर सडकबाट ५ मिटर तल खसी पल्टिदा ट्याक्टरमा सवार सिरहा नरहा गाउपालिका वडा नं ३ पांडा बस्ने रामदेव यादवका श्रीमती वर्ष ६५ की काखी यादवको मृत्यु भएको प्रहरीले जनाएको छ ।

उनको उपचारको क्रममा छिन्नमस्ता अस्पताल सप्तरीमा मृत्यु भएको हो ।

दुर्घटनामा मोटरसाइकल चालकसहि ट्याक्टरमा सवार ७ जनाघाइते भएका छन् ।

ट्याक्टर र मोसा घटनास्थलमै रहेको, ट्याक्टर चालक तत्काल फरार भएकाले खोजतलास जारी रहेको सप्तरीका प्रहरी प्रवक्ता डिएसपी माधव प्रसाद काफ्लेले जानकारी दिए ।