प्रचण्डको स्वागतमा दिएको बिदा रामगोपालपुर नगरपालिकाले सच्यायो, दुईदिन शैक्षिक संस्था बिदा

टुडेपाटी-
जनकपुरधाम, मंसिर १ गते ।

नेकपा माओवादी केन्द्रका अध्यक्ष पुष्पकमल दहाल प्रचण्डको आगमनमा महोत्तरीको रामगोपालपुर नगरपालिकाले आजलाई दिएको सार्वजनिक बिदा सच्याएको छ ।

प्रचण्डको स्वागतमा दिएको सार्वजकि बिदाको चर्को आलोचना हुन थालेपछि मेयर अशोक मण्डलले पुनः दोश्रो सूचना निकालेर विदा सच्याएका हुन् ।

अब नगरपालिकाले भाइबहिनीको पर्व समाचकेवाको अवसरमा आज र भोलि दुईदिन शैक्षिक संस्था विदा रहने जनाएको छ ।

आज रागोपालपुर नगरपालिकामा ७ वटा आधारभू्रत स्वास्थ्यचोकी र एक कोभिड हस्पिलको संयुक्त रुपमा उदघाटन तथा जनसभालाई सम्बोधन गर्न प्रचण्ड त्यहा आउँदै छन् ।

सो अवसरमा मंगलबार नै मेयर मण्डलले एक सूचना प्रकाशित गरी आजलाई सार्वजनिक विदा दिएको जानकारी गराएका थिए ।

जसको चौतर्फी आलोचना हुन थालेपछि मेयर मण्डलले आज अर्को सूचना निकालेर भुलवस सार्वजनिक विदा उल्लेख भएको बताएका छन् ।

उनले सूचनामा भाइबहिनीको पर्व समाचकेवाको अवसरमा मंसिर १ र २ गते अर्थात आज र भोलि दुई दिन नगरपालिका भित्रका सम्पूर्ण शैक्षिक संस्थाहरु मात्र बिदा रहने जानकारी दिएका हुन् ।