प्रचण्ड आज महतोत्तरी आउँदै, स्वागतमा रामगोपालपुर नगरपालिकामा सार्वजनिक विदा

टुडेपाटी-
महोत्तरी, मंसिर १ गते ।

नेकपा माओवादी केन्द्रका अध्यक्ष पुष्पकमल दहाल प्रचण्ड आज महोत्तरी आउँदै छन् ।

महोत्तरीको रामगोपालपुर नगरपालिकामा ७ वटा आधारभू्रत स्वास्थ्यचोकी र एक कोभिड हस्पिलको संयुक्त रुपमा उदघाटन तथा जनसभालाई सम्बोधन गर्न उनी आज आउन लागेको मेयर आशोक मण्डलले जानकारी दिए ।

उनका अनुसार १२ बजे प्रचण्ड रामगोपालपुर नगरपालिका आउने छन् । त्यहाँ स्वास्थ्यचोकीहरुको संयुक्त रुपमा उद्घाटन गरेपछि जनसभालाई सम्बोधन गर्ने कार्यक्रम रहेको छ ।

पूर्व निर्धारित सो कार्यक्रमहरु गएको शनिबार नै निर्धारण भएपनि अन्त समयमा आएर एकाएक प्रचण्ड बिरामी भएपछि स्थागन गरिएको थियो ।

प्रचण्डको स्वागतमा रामगोपालपुर नगरपालिकाले आज सार्वजनिक विदा घोषणा गरेको छ ।