महोत्तरीमा यात्रुबाहक बस दुर्घटना, २० जना घाइते

टुडेपाटी-
जनकपुरधाम, कार्तिक २८ गते ।

महोत्तरीको बर्दिवासमा यात्रुबाहक बस दुर्घटना हुँदा २० जना घाइते भएका छन् ।

गौशालाबाट काठमाडौं तर्फ जाँदै गरेको ना ५ ख ३०९९ नम्बरको उग्रतारा ट्राभल्स बस अनियन्त्रित भएर बर्दिवास नगरपालिका वडा नं. ५ टुटेश्वर चोक सडक खण्डमा शनिबार साँझ पल्टेर दुर्घटना भएको हो ।

सो दुर्घटनामा २० जना घाइते भएको इलाका प्रहरी कार्यालय बर्दिवासले जनाएको छ ।

घाइते मध्ये ३ जनाको उपचार मोडल अस्पताल लालगढमा भइरहेको छ भने अन्य घाइतेहरुको उपचार बर्दिवास स्थित शुभ स्वस्तिक अस्पतालमा उपचार भई रहेको प्रहरीले जनाएको छ ।