सल्यान दुर्घटनामा मृत्यु हुनेको संख्या ११ पुग्यो

टुडेपाटी–
काठमाडौँ, कार्तिक २१ गते ।

सल्यानमा भएको बस दुर्घटनामा मृत्यु हुनेका संख्या ११ पुगेको छ । जिल्ला प्रहरी कार्यालय सल्यानका प्रमुख प्रहरी प्रहरी नायव उपरीक्षक गोबिन्द बहादुर थापाले दुर्घटनामा मृत्यु हुनेको संख्या ११ पुगेको जानकारी दिए ।

मृतक ११ जनामध्ये आठको शव जिल्ला अस्पताल सल्यानमा छ । मृत्यु हुनेमध्ये धेरै महिला छन् ।

सल्यानको दुलधाराबाट पोखरा, खलंगा हुँदै दाङको तुलसीपुरतर्फ आउँदै गरेको ना २ ख २५५२ नम्बरको बस दुर्घटनामा परेको थियो।
दुर्घटनामा घाइते भएका मध्ये तीनजनालाई उपचारका लागि काठमाडौँ पठाउने तयारी भइरहेको छ ।

पहिलो लटमा तीनजनालाइ हेलिकप्टर मार्फत काठमाडौँ पठाउने तयारी भएको प्रमुख जिल्ला अधिकारी लक्ष्मीदेवी हुमागाँईले जानकारी दिएकी छन् ।