महोत्तरीमा ब्रेक फेल भएर हाइस दुर्घटना, पाँच यात्रु घाइते

टुडेपाटी-
महोत्तरी, कार्तिक १९ गते ।

महोत्तरीमा हाइस दुर्घटना हुँदा पाँच जना घाइते भएका छन् ।

काठमाण्डौबाट उदयपुर जाँदै गरेको बा ३ ख ९७८८ नम्बरको हाइस महोत्तरीको बर्दिबास नगरपालिका–३ पाटुमा अनियन्त्रित भइ दुर्घटना भएको हो ।

दुर्घटनामा हाइसमा सबार ५ जना यात्रु घाइते भएको प्रहरीले जनाएको छ ।

घाइते सबैकौ उपचार बर्दिबास स्थित जनसेवा हस्पितल बर्दिवासमा भइरहेको छ ।

हाइसको ब्रेक फेल भएर अनियन्त्रित हुँदा मूल सडकबाट तल खेतमा खसेर दर्घटना भएको चालक अमर माझीले बताए ।

चालक माझीलाई नियन्त्रणमा लिएर घटना विषयमा थप अनुसन्धान गरिरहेको इलाका प्रहरी कार्यलय बर्दिबासका प्रहरी नायव उपरीक्षक विरेन्द्र थापाले जानकारी दिए ।