सिरहामा माटो खन्न गएकी बालिकाको मृत्यु, ६ जना घाइते

टुडेपाटी
जनकपुरधाम, कार्तिक १० गते ।
सिरहामा माटो खन्न गएकी बालिकाको ढिस्कोमा पुरिएर मृत्यु भएको छ । जिल्लाको धनगढीमाई नगरपालिका वडा नं. ५ का प्रकाश कामतकी ११ वर्षीया छोरी करिश्मा कुमारी कामतको मृत्यु भएको जिल्ला प्रहरी कार्यालय सिरहाका प्रहरी प्रवक्ता प्रहरी नायव उपरीक्षक सुभाष बुढाथोकीले जानकारी दिए ।

तिहार नजिकिएसँगै बुधबार विहान करिब साढे ८ बजेको समयमा धनगढीमाई नगरपालिका वडा नं. ६ मा माटा खन्न तिनीहरु गएकी थिइन् । एकजना बालिकाको मृत्यु भएको छ भने ६ जना घाइते भएको प्रवक्ता बुढाथोकीले बताए ।

ढिस्कोमा परी ३० वर्षीया ममता कामत, ७ वर्षीया सरिता महतो, ७ वर्षीया सबिता यादव, १० वर्षीया नेहा कुमारी कामत, ११ वर्षीया रुबि कुमारी कामत, २५ वर्षीया सितादेवी कामत रहेकी छिन् ।
ढिस्कोमा परी गम्भिर घाइते भएकी सबितालाई थप उपचारको लागि विराटनगर स्थित नोवेल अस्पतालमा रिफर गरिएको हो ।