कार्यकर्ताको रिहाइको माग गर्दै ढल्केवरमा जनमत पार्टीद्वारा मोटरासइकल जुलुस

टुडेपाटी-
जनकपुरधाम, कार्तिक ९ गते ।

सिके राउत नेतृत्वको जनमत पार्टीले धनुषाको मिथिला नगरपालिकामा मोटरसाइकल जुलुस प्रदर्शन गरेका छन् ।

आफ्ना नेताकार्यकर्ताको रिहाइ र भ्रष्टाचारीलाई कारबाहीको माग गर्दै पूर्व निर्धारित आन्दोलनको कार्यक्रम अनुसार मंगलबार मिथिला नगरपालिकाको ढल्केबरसहित प्रदेश २ का जिल्लाहरुमा जनमत पार्टीले प्रदर्शन गरेको हो ।

भ्रष्टाचारीलाई कारबाही गर, झुठा मुद्दा खारेजज गर, डा. सिके राउत जिन्दावाद सहितका नेताकार्यकर्ताहरुले नगरपरिक्रमा गरेका थिए ।

गएको बिहीबार जनकपुरधाम स्थित खानेपानी तथा ढल निकास कार्यालयका निमित प्रमुख राजेश कुशवाहामाथि अमानवीय व्यबहार गर्ने १७ जनालाई पक्राउ गरी प्रहरीले मुद्दा चलाएको छ ।

सोहि विरुद्धमा जनमत पार्टीले आन्दोलनको घोषणा गरेको हो ।