६१ वर्षमा सिरहा विशेश्वर सदायले पाए नागरिकता

टुडेपाटी-
जनकपुरधाम, कार्तिक ९ गते ।

सिरहामा एकजना वृद्धले जिवनको अन्तिम समयमा नेपाली नागरिकता पाएका छन् ।

जिल्लाको सुखिपुर नगरपालिका वडा नं. ६ का विशेश्वर सदायले ६१ वर्षको उमेरमा वंसज नागरिकता पाएको सिरहाका प्रमुख जिल्ला अधिकारी प्रदिपराज कणेलले जानकारी दिए ।

प्रजिअ कणेलले विभिन्न कालखण्डमा नागरिकता बनाउन सदाया आएको तर नागरिकता नपाएकोमा अहिले आएर उनी नेपाली नागरिकता पाएका छन् ।

प्रजिअ कणेलले भने, ‘उहाँको भतिजाले नागरिकता पाएको छ । विभिन्न कालखण्डमा उहाँ आउनु भएको थियो तर नपाएको भन्छन् । मैले सबै कागजात हेर्दा नागरिकता दिनु उचित हुन्छ देखेपछि नागरिकता दिए ।’

सदायाको घर भत्केको कारण उनलाई नागरिकता सहित कम्वल, नेपाली सेना वाट २ वोरा खाद्यान्न र नेपाल भारत मैत्री महिला समाज बाट प्राप्त भएको पाल नेपाली सेनाको नेतृत्वमा सयुक्त सुरक्षा निकायबाट लगाइएको प्रजिअ कणेलले बताए ।

प्रदेश २ को जिल्लामा धेरैजना नागरिकता विहिन रहेका छन् । नेपाली नागरिक भएर पनि तिनीहरु नागरिकता पाउन सकेका छैनन् ।

जिल्ला प्रशासन कार्यालय सिरहाबाट चालु आर्थिक वर्षको तीन महिनामा ७ हजार १ सय ३४ जनाले नेपाली नागरिकता पाएका छन् ।
असोजमा मात्र २ हजार ५ सय ८२ जनाले नेपाली नागरिकता पाएको जिल्ला प्रशासन कार्यालय सिरहाले जनाएको छ ।