धनुषामा १७० वडामा एमालेको वडा अधिवेशन सम्पन्न

टुडेपाटी-
जनकपुरधाम, कार्तिक ६ गते ।

धनुषामा शनिबार १ सय ७० वटा वडामा वडा अधिवेशन सम्पन्न भएको छ ।

धनुषामा झण्डै ४ सय वडा रहेकोमा १ सय ७० वटामा अधिवेशन सम्पन्न भएको हो ।

अझै पनि विभिन्न स्थानीय तहमा अधिवेशन जारी रहेको एमाले धनुषाका नेता रोशन कर्णले जानकारी दिए ।

उनका अनुसार धनुषाको जनकपुरधाम, शहिदनगर नगरपालिका, सबैला नगरपालिका, धनुषाधाम नगरपालिका, मिथिला नगरपालिका, मुखियापट्टी मुसहरनीया गाउँपालिका, धनौजी गाउँपालिकालगायतका केही वडामा अहिले पनि वडा अधिवेशन जारी नै छ ।

जनकपुरधामका २५ वडामध्ये २२ वटा वडामा अधिवेशन सम्पन्न भइसकेको उनले बताए ।

एमाले धनुषाका जिल्ला अध्यक्ष राजकिशोर यादवले आइतबार बिहानसम्म अधिवेशन सम्पन्न भइसक्ने जानकारी दिए ।