नेपाल पत्रकार महासंघ प्रदेश २ का उपाध्यक्ष पत्रकार गुप्ताको निधन

टुडेपाटी-
जनकपुरधाम, कार्तिक ६ गते ।

नेपाल पत्रकार महासंघ प्रदेश २ का उपाध्यक्ष समेत रहेका वरिष्ट पत्रकार रामानन्द गुप्ताको निधन भएको छ ।

लामोसमयदेखि रक्तचापको दीर्घरोगी रहेका गुप्ताको ५८ वर्षको उमेरमा उपचारको क्रममा बिराटनगरको न्युरो अस्पतालमा शुक्रबार मध्य राति अढाई बजे निधन भएको पारिवारिक स्रोतले जनाएको छ ।

गएको बुधबार उनलाई हृदयघात भएपछि पत्रकार गुप्तालाई अस्पताल भर्ना गरिएको थियो ।

सिरहाको सिरहा नगरपालिका १ स्थायी घर भएका गुप्ता हिमालयन टाइम्स लगायतको पत्रपत्रिका तथा टेलिभिजनमा कार्यरत्त रहेका थिए ।

गुप्ताको पार्थिव शरीरमाथि नेपाल पत्रकार महासंघ सिरहा शाखाले झण्डा ओढाएर सम्मान प्रकट गरेको छ ।