प्रदेश २ मा भोलि सार्वजनिक विदा

टुडेपाटी-
जनकपुरधाम, कार्तिक १ गते ।

प्रदेश-२ मा भोलि मंगलबार सार्वजनिक विदा हुने भएको छ ।

मुश्लिम धर्माम्बलीको धर्मगुरु पैगम्बर महम्दको जन्म दिनको अवसर पारेर प्रदेश सरकारले भोलि विदा दिएको हो ।

प्रदेश २ सरकारको क्यालेन्डरमा कार्तिक २ गते मुश्लिम धर्माम्बलीको धर्मगुरु पैगम्बर महम्दको जन्म दिनको अवसरमा विदा रहेको छ ।

प्रदेश सरकारले नेपाल सरकारले दिएको विदा अतिरिक्त थप ११ वटा विदा दिएको छ, जसमा पैगम्बर महम्दको जन्म दिनलाई पनि राखिएको छ ।

गत बैशाख २ गते बसेको प्रदेश २ सरकारको मन्त्रीपरिषद् बैठकले नेपाल सरकारले दिएको बाहेक थप ११ वटा विदा दिने निर्णय गरेको थियो ।