काठमाडौँबाट वीरगञ्ज आउँदै गरेको सुमो दुर्घटना, दुईको मृत्यु, १० जना घाइते

टुडेपाटी-
मकवानपुर, असोज ३० गते ।

काठमाडौँबाट वीरगञ्ज आउँदै गरेको सुमो दुर्घटना हुँदा दुईको मृत्यु छ । अन्य १० जना घाइते छन् ।

हेटौडा कुलेखानी काठमाडौँ सडक खण्ड अन्तरगत इन्द्रसरोबर गाउपालिका वडा न २ लामिबगरमा आज दिउँसो करिब ३ः ३० बजे काठमाडौँबाट वीरगञ्ज आउँदै गरेको ना १ ज ४५११ न को  सुमो जीप अनियन्त्रित भई दुर्घटना भएको हो ।

दुर्घटनामा चालकसहित १० जना घाइतेलाई प्रहरीले उद्धार गरी उपचारको लागि विभिन्न हस्पिटलहरुमा भर्ना गरेको छ ।

चार जनालाई हेटौडा अस्पताल, चार जनालाई काठमाडौँ सानेपाको स्टार हस्पिटलमा र दुइ जनालाई पाटन अस्पतालमा उपचारको लागि लगिएको जिल्ला प्रहरी कार्यालय मकवानपुरले जनाएको छ । 

घाइतेमध्ये पाटन अस्पतालमा उपचारको क्रममा दुईजनाको मृत्यु भएको प्रहरीले जनाएको छ ।

मृतकहरुको अहिलेसम्म  सनाखत भइसकेको छैन ।

फाइल तस्बिर