दसैँको लागि नवदुल्ही झैँ सृंगारियो जनकपुरधामको शक्तिपीठहरु (फोटो फिचर)

टुडेपाटी-
जनकपुरधाम, असोज २१ गते ।

जनकपुरधामको दसैँ प्रसिद्ध छ । दसैँ आउनु दुई महिना अघिदेखि नै तयारीमा यहाँका युवाक्लबहरु जुट्ने गर्दछन् ।

आर्थिक सहयोग संकलन गरी शक्तिपीठहरुलाई दसैँका लागि नवदुल्ही झै सृंगारिने गरिन्छ ।

जनकपुरको मुख्य शक्तिपीठ राजदेवी मन्दिर, बौद्धिमाइ मन्दिर, दुर्गा मन्दिर लगायतको शक्तिपीठ सरसज्जा गरि अकार्षक बनाइएको छ ।

यस्तै प्रत्येक वर्ष दशमीकै अवसरमा जनकपुरधामको भ्रमरपुराचोक, विद्यापति चोक, राम चोक, रामानन्द चोक र ब्रह्मर्षि चोकलगायतका स्थानमा नवदुर्गाको प्रतिमा बनाएर विशेष प्रकारले पूजाअजा र मेला लगाउने गरिन्छ ।

भव्य टेन्ट पण्डालले मन्दिरकै आकार दिइ नवरात्रिभरि विशेष पूजा गर्ने चलन छ ।

यी शक्तिपीठहरुमा दिउँसो भन्दा पनि राति झिलिमीलिको कारण निकै मनमोहक एवं आकर्षक देखिन्छन् । साँझको समयमा यी शक्तिपीठहरुमा श्रद्धालुभक्तजनको भीड लाग्ने गर्दछ । बाहिरबाबट पनि जनकपुरको दसैँ अबलोकनका लागि पर्यटका आउने गरेका छन् ।

यसपटकको जनकपुरको दशैंको लागि कसरी सजाइएको छ शक्तिपीठ, तस्वीरमा हेर्नुहोस्

तस्बीरहरु : सौजन्य- किरण कर्ण