लोसपा छाडेका राजकुमार लेखी एमाले प्रवेश गर्दै

टुडेपाटी-
जनकपुरधाम, असोज १७ गते ।

लोकतान्त्रिक समाजवादी पार्टी छोडेका राजकुमार लेखी आज एमाले प्रवेश गर्ने भएका छन् ।  नेपाल आदिवासी जनजाति महासंघका पूर्वअध्यक्ष लेखी बिहीबार लोकतान्त्रिक समाजवादी पार्टी (लोसपा) परित्याग गरेका थिए ।

उनी लोसपाका कार्यकारिणी सदस्य थिए ।

लेखीसहितको टोलीलाई गोदावरीमा जारी एमाले विधान महाधिवेशनमा पार्टी प्रवेश गराउने कार्यक्रम रहेको एमालेले जनाएको छ ।

लेखीसहितको टोलीलाई एमाले अध्यक्ष केपी शर्मा ओलीले स्वागत गर्ने कार्यक्रम रहेको बुझिएको छ।