आज थप १२८२ जनामा कोरोना संक्रमण, ७ जनाको मृत्यु

टुडेपाटी-
जनकपुरधाम, असोज ११ गते ।

देशभर थप १ हजार २८२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घन्टामा देशभरका विभिन्न प्रयोगशालामा गरिएको १२ हजार ८१ पीसीआर तथा ३ हजार ४०७ एन्टिजेन परीक्षणमा उक्त संक्रमित थपिएका छन् ।

त्यस्तै सोमबार थप ७ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या ११ हजार १०३ पुगेको छ ।

सोमबार १ हजार २६२ जना कोरोना संक्रमणमुक्त भएका छन् । हाल देशभर १८ हजार ८४८ सक्रिय संक्रमित रहेका छन् ।