दशैंमा सरकारले सबै गरिब परिवारलाई १०-१० हजार रुपैयाँ दिने

टुडेपाटी-

जनकपुरधाम, भदौ २६ गते ।

सरकारले अति विपन्न गरीबलाई दशैंमा प्रति घरपरिवार १०-१० हजार रुपैयाँका दरले राहत उपलब्ध गराउने भएको छ ।

अर्थमन्त्री जनार्दन शर्माले शुक्रबार अध्यादेशबाट आएको बजेटलाई परिमार्जन गर्दै देशभरिका ५ लाख गरिब घर परिवारलाई  दशैं पहिला नै १०-१० हजार रुपैयाँ उपलब्ध गराउने घोषणा गरेका हुन् ।

कोरोनम महामारीबाट आयआर्जन गुमाएका अति विपन्न परिवारलाई असोजभित्रै १० हजार रुपैयाँका दरले राहत उपलब्ध गराउने सरकारले  घोषणा गरेको हो ।

सो रकम असोजभित्रै  स्थानीय तहको समन्वयमा हस्तान्तरण गर्ने गरी आवश्यक तयारी गरेको अर्थमन्त्री शर्माले बताए ।