देशभर थप १६४० जनामा कोरोना संक्रमण, २१६१ जना संक्रमणमुक्त

टुडेपाटी-
जनकपुरधाम, भदौ २३ गते ।

देशभर १ हजार ६४० जना कोरोना भाइरसका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुुसार पछिल्लो २४ घण्टामा ९ हजार ७६७ पीसीआर परीक्षण गर्दा १ हजार ३४७ जना र ३ हजार ६८८ एन्टिजेन परीक्षण गर्दा २९३ गरी १ हजार ६४० जनामा कोरोना भाइरसको संक्रमण पुष्टि भएको हो ।

यस्तै बुधबार कोरोना संक्रमणबाट १० जनाको मृत्यु भएको छ भने २ हजार १६१ जना संक्रमणमुक्त भएका छन् ।

योसँगै नेपालमा कोरोना संक्रमितको कुल संख्या ७ लाख ७३ हजार ५२९ पुगेको छ । तीमध्ये १० हजार ८८९ जनाको मृत्यु भएको छ भने ७ लाख ३३ हजार १६१ जना संक्रमणमुक्त भएका छन् ।