एकै परिवारका ६ जनाको धारिलो हतियार प्रहार गरी विभत्स हत्या

टुडेपाटी-
संखुवासभा, भदौ २१ गते ।

संखुवासभामा एकै घरपरिवारका ६ जनाको धारिलो हतियार प्रहार गरी विभत्स हत्या भएको छ ।

संखुवासभाको मादी नगरपालिका १ खोलागाउँ बस्ने तेजबहादुर कार्कीको परिवारका सदस्यहरुको गए राति विभत्स हत्या भएको हो ।

तेजबहादुरसहित उनका परिवारलाई सोमबार विहान छिमेकीले हत्या भएकोदेखेपछि प्रहरीलाई खबर गरेका थिए ।

घरमुली ५८ वर्षिय तेजबहादुर कार्की, ८० वर्षीया आमा पार्वता कार्की, ५६ वर्षीया श्रीमती मनमाया कार्की, २८ वर्षीया बुहारी रञ्जना कार्की, १० वर्षीय नाति दीपक कार्की र ५ वर्षीया नातिनी गोमा कार्कीको अज्ञात समूहले धारिलो हतियार प्रयोग गरी हत्या गरेको जिल्ला प्रहरी कार्यालयका प्रहरी प्रमुख डिएसपी लालध्वज सुवेदी बताए।

घटनाको विस्तृत विवरण आउन बाँकी छ । घटनस्थलमा प्रहरीको टोलि पुगेर अनुसन्धन थालेको छ । के कसरी कसले हत्या गरेको हो भन्ने विषयमा अनुसन्धान भइरहेको प्रहरीले जनाएको छ ।