काठमाडौंमा भीषण वर्षा, केहि सडक जलमग्न

टुडेपाटी-
काठमाडौं, भदौ २१ गते ।

आइतबार राति काठमाडौंमा भीषण वर्षा भएको छ ।

मौसम पूर्वानुमान महाशाखाले दिएको जानकारी अनुसार काठमाडौं उपत्यका र आसपासका क्षेत्रमा राती २ बजेदेखि मेघ गर्जनसहित सुरु भएको वर्षा अझै रोकिएको छैन ।

भीषण वर्षाका कारण पुण्यमाता खोलामा आएको बाढीले बनेपाको पुलबजार क्षेत्र डुबानमा परेको हो ।

डुबानका कारण केहि घरका पहिलो तल्ला डुबेको छ भने केही साना सवारीसाधन समेत डुबेका छन् ।

भारी वर्षाले उपत्यकाको वागमती, विष्णुमती लगायतका ठूला नदीहरुमा ठूलो बाढी आएको छ भने धोवीखोलामा पनि पानीको सतह बढेर सडकसम्म आएको छ ।

प्रशासनले नदी तटीय क्षेत्रमा बसोबास गर्नेहरुलाई सजग रहन आग्रह गरेको छ ।