आज थप २००४ जनामा कोरोना संक्रमण, १८४६ जना संक्रमणमुक्त

टुडेपाटी-
जनकपुरधाम, भदौ १७ गते ।

देशभर पछिल्लो २४ घण्टामा थप २ हजार ४ जनामा कोरोना भाइरसको संक्रमण पुष्टि भएको छ । 

बिहीबार १४ हजार ६ सय ५० जनाको पीसीआर र एन्टिजेन परीक्षण गर्दा दुई हजार ४ जना संक्रमित भएको स्वास्थ्य तथा जनसंख्या मन्त्रालयका प्रवक्ता डा. कृष्ण पौडेलले जानकारी दिए ।

उनका अनुसार अनुसार काठमाडौंमा ५४१, ललितपुरमा १५२ र भक्तपुरमा १०० जनामा कोरोना पुष्टि भएको छ । 

यस्तै, आज १८४६ जना कोरोना संक्रमणमुक्त भएका छन् भने १६ जनाको मृत्यु भएको छ ।