काबुलमा भएको रकेट आक्रमणमा चार बालबालिकासहित ६ जनाको ज्यान गयो

एजेन्सी-
जनकपुरधाम, भदौ १५ गते ।

अफगानिस्तानको राजधानी काबुलमा भएको एक रकेट आक्रमणमा ६ जनाको ज्यान गएको छ । जसमा ज्यान जानेमा चार बालबालिका छन् ।

आइतबार काबुल विमानस्थलमा प्रहार गरिएको भनिएको रकेट बस्तीमा परेपछि एक घरमा रहेका एकै परिवारका ती व्यक्तिहरुको ज्यान गएको अन्तराष्ट्रिय संचारमाध्यमहरुले जनाएका छन् ।

विमानस्थललाई नै लक्षित गरेर सो रकेट आक्रमण गरिएकामा सो रकेट बस्तीतर्फ पर्न गरेको बताइएको छ । पछिल्ला केही दिनमा काबुल विमानस्थलमा विस्फोट हुने गरेको छ ।

हमिद कारजाई अन्तर्राष्ट्रिय विमानस्थलमा पश्चिम भागतर्फ स्थानीय समयानुसार ४ः ५५ सो रकेट प्रहार भएको थियो । एक अमेरिकी ड्रोन शहरमा उडिरहेको देखा परेपछि उक्त हमला भएको प्रत्यक्षदर्शीहरु बताएका छन् ।

गत बिहीबार मात्रै विमानस्थलका पूर्वी गेटमा भएको आत्मघाती विष्फोटमा परी कम्तीमा १७० अफगान नागरिक र १३ अमेरिकी सैनिक मारिएका थिए ।