प्रदेश १ : खुकुरी प्रहार गरी श्रीमतीको हत्या, आफैं गरे आत्महत्या

टुडेपाटी-

भोजपुर, भदौ १२ गते ।

भोजपुरमा खुकुरी प्रहार गरी श्रीमतीको ज्यान लिएर आफैं पनि आत्महत्या गरेका छन् । 

भोजपुरको षडानन्द नगरपालिका -९ ताल खर्कका ४० वर्षीय बुद्धिमान राईले खुकुरी प्रहार गरी श्रीमतीको ज्यान लिएर आफैं पनि आत्महत्या गरेका हुन् ।

राईले शुक्रवार राति २८ वर्षीया श्रीमती इन्द्रकलालाई खुकुरी प्रहार गरि हत्या गरेको जिल्ला प्रहरी कार्यालय भोजपुरका डीएसपी राजकुमार राईले जानकारी दिए ।

राईले श्रीमतीको हत्या गरी घर नजिकैको दुधिलोको रुखमा झुन्डिएर आत्माहत्या गरे उनले बताए ।

बाबुले आमामाथि खुकुरी प्रहार गरेको देखेपछि ८ वर्षीय छोराले स्थानीय छिमेकीलाई खबर गरेका थिए ।

घटनाको जानकारी पाएपछि पुग्दा इन्द्रकलाको मृत्यु भइसकेको स्थानीये बताए । बुद्धिमानको पनि खोजी गर्दा रुखमा झुन्डिएको अवस्थामा फेला परेका थिए ।

घटनाबारे थप अनुसन्धान भइरहेको जिल्ला प्रहरी कार्यालय भोजपुरका डिएसपी राईले बताए । दुवैको शव पोस्टमार्ट गर्न अस्पताल लगिएको छ ।