महोत्तरीमा रातु खोलाको बाँध भत्काएर बाढी गाउँ पस्यो, नौ सय परिवार डुबानमा

टुडेपाटी-
जनकपुरधाम, भदौ ११ गते ।

महोत्तरीको वलवा नगरपालिकामा रातु नदीको बाँध भत्किएएको छ ।
बलबा नगरपालिका वडा नम्बर ४ स्थित तिलगढमा रातु नदीको बाँध भत्किँए बढी गाउँ पसेको हो ।

बाढी वस्ती पस्दा झण्डै नौ सय घरपरिवार डुबानमा परेको महोत्तरी प्रहरीले जनाएको छ ।

महोत्तरीका प्रहरी प्रवक्ता डिएसपी प्रकाश विष्टले दिएको जानकारी अनुसार बाढीले एउटै वडाका विभिन्न ठाउँमा गरेर ४ सय मिटर बाँध भत्केको छ ।

बाढीले बस्ती डुबेपछि स्थानीयलाई सुरक्षित स्थानतर्फ लैजाने काम सुरु भएको डिएसपी विष्टले जानकारी दिए ।

दुईदिनदेखिको निरन्तरको वर्षाले नदिमा अत्यधिक बाढी आउँदा बाँध भत्केको स्थानीयले बताएका छन् । वर्षाले तराई मधेशको जनजीवन प्रभावित भएको छ ।