काबुल विमानस्थलमा भएको बिस्फोटमा ज्यान गुमाउनेको संख्या ९० पुग्यो

एजेन्सी-
जनकपुरधाम, भदौ ११ गते ।

बिहीबार साँझ काबुल विमानस्थलमा दुई शक्तिशाली बम बिस्फोटमा परेर ज्यान गुमाउनेहरूको सङ्ख्या ९० पुगेको छ । घाइतेहरुको संख्या १५० पुगेको एक अधिकारीलाई उद्धृत गर्दै बीबीसीले जनाएो छ ।

मृत्यु हुने अफगानमध्ये कम्तीमा २८ जना तालिबान सदस्य रहेको एक तालिबान अधिकारीले बताएका छन्।

अमेरिकी कमान्डरहरू अफगानिस्तानमा थप आक्रमणको सामना गर्नका लागि तयारी अवस्थामा रहेको एक उच्च सैन्य अधिकारीले जनाएका छन्।

इस्लामीक स्टेटले काबुल विमानस्थलमा सम्भावित रकेट वा सवारीसाधन प्रयोग गरी थप आक्रमण गर्न सक्ने अमेरिकाका सेन्ट्रल कमान्ड जेनेरल फ्र्याङ्क मकेन्जीले बताएका छन्। बीबीसी