भारतमा कोरोना भाइरस संक्रमण भयावह बन्दै, अहिलेसम्मकै बढी संख्यामा संक्रमित थपिए

टुडेपाटी
काठमाडौँ, चैत १४ गते ।
विश्वभर महामारीको रुपमा फैलिएको कोरोना भाइरसको संक्रमण भारतमा तिब्र रुपमा फैलिदै गएको छ ।

भारतमा गएको २४ घण्टामा हालसम्मकै धेरै संख्यामा कोरोना संक्रमित थपिएका छन्।

भारतमा एकैदिन ७५ जना कोरोना संक्रमित बढेको भारतीय स्वास्थ्य मन्त्रालयले शुक्रबार जानकारी दिएको हो।

यो संख्या कोरोनाको संक्रमित भारतमा भेटिएयता राखिएको दैनिक तथ्यांकको सबैभन्दा बढी संख्या हो।

यससँगै भारतमा हालसम्म ७ सय ५३ कोरोनाबाट संक्रमित भएका छन्। त्यहाँ २० जनाको मृत्यु भइसकेको छ।

कोरोनाको संक्रमण बढ्न नदिन भारतमा गत मंगलबारदेखि २१ दिनसम्म लकडाउन गरिएको छ।