भारतमा सुतिरहेका मजदुरलाई ट्रकले किच्दा ८ जनाको मृत्यु
एजेन्सी-
भारत, साउन २५ गते ।
भारतको गुजरातमा सडक किनारको झुपडीमा सुतिरहेका मजदुरलाई ट्रकले किच्दा ८ जनाको मृत्यु भएको छ।
सोमबार बिहानै ३ बजे तीव्र गतिमा रहेको ट्रकले सडक किनारको झुपडीमा पसेको थियो । जहाँ २ जना बच्चासहित १० जना मजदुर सुतिरहेका थिए ।
Sponsored
ट्रक झुडपीमा पस्दा ८ जनाको घटनास्थलमै मृत्यु भएको भारतीय प्रहरीले जनाएको छ । दुईजना गम्भीर घाइते भएका छन् । ट्रक चालक निदाएपछि गाडी झुडपीमा पसेको अधिकारीहरुको भनाइ छ ।
सूचना पाउनासाथ प्रहरीले ट्रक तथा चालकलाई गिरफ्तार गरेर घटनाको अनुसन्धान थालेको छ।
मुख्यमन्त्री विजय रुपाणीले दुर्घटनाप्रति दुःख व्यक्त गर्दै पीडित परिवारलाई ४÷४ लाख रुपैयाँ राहत दिने घोषणा गरेका छन्।
Sponsored
