नवनियुक्त प्रधानमन्त्री देउवालाई माधव नेपालले दिए पहिलो बधाई

टुडेपाटी-
जनकपुरधाम, असार २९ गते ।

नवनियुक्त प्रधानमन्त्री शेरबहादुर देउवालाई नेकपा (एमाले) का वरिष्ठ नेता माधवकुमार नेपालले बधाई दिएका छन् । 

मंगलबार साँझ शितल निवासमा शपथ ग्रहणपछि उपस्थित पूर्वप्रधानमन्त्री नेपालले देउवालाई पहिलो बधाई दिएका हुन् । 

देउवालाई प्रधानमन्त्री बनाउन नेपालको महत्वपूर्ण भूमिका रहेको छ।

नेपालपछि क्रमश नेकपा माओवादी केन्द्रका अध्यक्ष पुष्पकमल दाहाल प्रचण्ड, नेपाली कांग्रेसका नेता रामचन्द्र पौडेल, पूर्वप्रधानमन्त्री डा. बाबुराम भट्टराई, जनता समाजवादी पार्टीका अध्यक्ष उपेन्द्र यादवलगायतका नेता तथा सांसदहरुले बधाई दिएका थिए ।

शपथ समारोहमा प्रधानमन्त्री केपी शर्मा ओली भने सहभागी भएनन् ।