तीन पाकिस्तानी पत्रकारलाई कोरोना संक्रमण पुष्टि

टुडेपाटी-

इस्लामाबाद, चैत १२ गते ।

पाकिस्तानमा तीनजना पत्रकारलाई विश्व मै महामारीको रुपमा फैलिएको कोरोना भाइरस (कोभिड-१९) को संक्रमण पुष्टि भएको छ ।

पाकिस्तानका न्‍यूज २४ एचडी टीभीका दुईजना पत्रकार र अबतक टीभीका एकजना पत्रकारलाई भाइरसको संक्रमण देखिएको जनाएको छ ।

तीनैजना पत्रकारको नाम भने खुलाइएको छैन । उनीहरु पाकिस्तानको लाहोर र पूर्वी पञ्जाव प्रान्तमा कार्यरत थिए ।

यता, टिभी च्यानलका कार्यकारी निर्देशक मोहसिन नाकभीले भनेका छन्, ‘हामीले थप अरु पत्रकारहरुलाई अनुसन्धान गरिहरेका छौंं । उनीहरुलाई पनि व्‍यक्तिगत रुपमा परीक्षण गरी क्वारेन्टाइनमा पठाइसकेका छौ। हामी यसबारेमा पुरै तयारीका साथ लागेका छौं।’

यसका साथै उनले पत्रकारहरुको लागि आवश्यक स्वास्थ्य सुरक्षाका सामग्रीहरु अभाव रहेको जानकारी दिएका छन् ।

यस्तै पाकिस्तान पत्रकार महासंघका अध्‍यक्ष सिद्धिकी अन्जरका अनुसार, ‘ प्राय अधिकांश संवाददाताहरु अस्पतालबाट बिना सेफ्टी किड नै समाचारहरु सम्प्रेषण गरिहरेका छन् । हामीले सरकारसँग उनीहरुको उपचारको जिम्‍वारी लिन आग्रह गरेका छौ ।’

पत्रकारहरु काम गर्न सानो शहरमा जानु पर्ने र काम गरेबापतको तलब नपाउने गरेको उनले गुनासो समेत गरेका छन् ।