नेपालमा फेरि भेटिए कोरोना संक्रमित, संख्या तीन पुग्यो

टुडेपाटी –
काठमाडौं, चैत १२ गते ।

नेपालमा कोरोना भाइरसको संक्रमितको संख्या तीन पुगेको छ ।   कोरोनाको तेस्रो संक्रमित भेटिएपछि नेपालमा संक्रमित संख्या तीन पुगेको हो । स्वास्थ्य तथा जनसंख्या मन्त्रालय स्वास्थ्य आपतकालीन परिचालन केन्द्रका सह–प्रवक्ता सागर दाहाले एक व्यक्तिको कोरोनाको पोजेटिभ रिपोर्ट अाएको बताए ।

ती बिरामीको काठमाडाै‌ंकाे टेकुस्थित शुक्रराज ट्रपिकल तथा सरुवा रोग अस्पतालमा भर्ना गरी उपचार जारी छ।
ती व्यक्ति कहाँका हुन् भन्ने पुष्टि गरिएको छैन ।

नेपालमा हलासम्म ६८७ जनाको नमूना जाँच गरिएकोमा ६८४ जनाको नेगेटिभ र ३ जनाको पोजिटिभ भेटिएको स्वास्थ्य मन्त्रालयले जनाएको छ।

यसअघि चीनबाट फर्केका एक युवा र फ्रान्सबाट कतार हुँदै फर्केकी एक युवतीमा कोरोनाको संक्रमण देखिएको थियो। चीनबाट फर्केका युवा उपचारपछि निको भएर घर फर्किसकेका छन् भने युवतीको उपचार भइरहेको छ।