देशभर २ हजार ६३६ जना कोरोना संक्रमित थपिए, २० जनाको मृत्यु

टुडेपाटी-

जनकपुरधाम, असार १५ गते ।

नेपालमा पछिल्लो २४ घण्टामा २ हजार ६३६ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ११ हजार ७४८ नमुना परीक्षण गर्दा सो संख्यामा संक्रमित थपिएका हुन् ।

आज ७ हजार २५९ जनामा गरिएको पीसीआर परीक्षणमा १ हजार ७२८ जनामा संक्रमण पुष्टि भएको छ भने ४ हजार ४८९ एन्टिजेन परीक्षणमा ९०८ जनाको रिपोर्ट पोजिटिभ आएको छ ।

पछिल्लो २४ घण्टामा ४ हजार ३४८ कोरोना संक्रमणमुक्त भएका छन् । योसँगै संक्रमणमुक्त हुनेको संख्या ५ लाख ९२ हजार ५३५ जना पुगेको छ ।

त्यस्तै आज कोरोना संक्रमणका कारण २० जनाको मृत्यु भएको छ । योसँगै कोरोनाका कारण ९ हजार ७१ जनाले ज्यान गुमाएका छन् । हाल देशभर ३५ हजार ३१० सक्रिय संक्रमित छन् ।