जनकपुरमा ‘लकडाउन’ उलंघन गर्ने पौने ४ सय गाडी नियन्त्रणमा, ८ जना पक्राउ

टुडेपाटी
जनकपुरधाम, चैत ११ गते ।

जनकपुर लगायत धनुषा जिल्ला भरि ‘लकडाउन’ को उलंघन गर्ने ३ सय ६९ सवारीसाधन प्रहरीले नियन्त्रणमा लिएको छ ।

जनकपुरसहित धनुषाको विभिन्न स्थानबाट बस, ट्रक, पिकअप र मोटरसाइकलसहित ३ सय ६९ सवारीसधान नियन्त्रणमा लिएको धनुषाका प्रहरी उपरीक्षक रमेश बस्नेतले जानकारी दिए ।
उनका अनुसार लकडाउन अवज्ञा गर्ने ८ जना मासिन समेत जनकपुर लगायत धनुषा जिल्लाको विभिन्न स्थानबाट पक्राउ परेका छन् ।

Sponsored

‘मानिसहरुलाई दिनभर नियन्त्रणमा लिएर साँझमा सम्झाइ बुझाई छाडेका छौं’ उपरीक्षक बस्नेतले टुडेपाटीसंग भने ‘तर नियन्त्रणमा लिइएको सवारीसाधन निषेधाज्ञा समाप्ति पश्चात मात्र छाड्छौं । नत्र भोलीदेखि फेरी सडकमा कुदाउँछन् । भोलिदेखि थप कडाइ हुन्छ’