मन्त्री भएपछि पहिलोपटक गृह जिल्ला पुगेको बेला अनिल झाको मन्त्री पद चट्

टुडेपाटी-
जनकपुरधाम, असार ८ गते ।

खानेपानी तथा सरसफाई मन्त्री अनिलकुमार झा मन्त्रीभएपछि पहिलोपटक गृह जिल्ला रौतहट पुगेको बेला मन्त्री पद गुमेको छ ।

प्रधानमन्त्री केपी शर्मा ओलीको सरकारमा गएको जेठ २१ गते जसपा महन्त ठाकुर पक्षबाट झा खाने पानी तथा सरसफाई मन्त्री बनेका थिए ।

उनी मन्त्री भएपछि पहिलोपटक मंगलबार दर्जनौ सवारीसाधनको लावालस्करसहित गृह जिल्ला रौतहट पुगेर पार्टीका नेता कार्यकर्ता तथा समर्थकसंग खुसी साटिरहेका थिए । सोहि बेला उनको मन्त्री पद नै चट् भएको हो ।

प्रधानमन्त्री ओलीको मन्त्री परिषद विस्तार विरुद्ध परेको रिटमा मंगलबार सर्वोच्च अदालतले थपेका मन्त्रीहरुलाई तत्काल काम नगर्न नगराउन आदेश दिएको हो ।

सर्वोच्च अदालतको आदेशले मन्त्री झासहित २० मन्त्री पदमुक्त भएका छन् ।

झा रौतहट क्षेत्र नं. १ बाट निर्वाचित तत्कालित राजपाबाट निर्वाचित भएका थिए ।