बाराको जगदम्बा स्टील्स कारखानामा आगलागी, जलेर दुई मजदुरको ज्यान गयो

टुडेपाटी-
बारा, असार ५ गते ।

बाराको जीतपुरसिमरास्थित जगदम्बा स्टील्स कारखानामा आगलागी हुँदा दुई मजदुरको ज्यान गएको छ भने ३ जना घाइते भएका छन् । 

शनिबार राति पेट्रोल र डिजेल भण्डारण गर्ने ट्यांकी वेल्डिङ गरिरहेको बेला आगलगी हुँदा सो घटना भएको
हो ।

आगलगीमा सो कारखानामा कार्यरत मजदुर भारत विहार पश्चिम चम्पारणका ४० वर्षीय प्रदीप गौड र ४५ वर्षीय रामनाथ महतोको घटनास्थलमै मृत्यु भएको प्रहरीले जनाएको छ ।

घाइतेहरुको उपचार वीरगन्जको तराई अस्पतालमा भइरहेको र घटनास्थलमा रहेका ६ मजदुरमध्ये एक जना सुरक्षित रहेको जिल्ला प्रहरी कार्यालयका प्रहरी प्रवक्ता डिएसपी गौतम मिश्रले बताए ।

आगलगीबाट भएको  क्षति विवरण अाउँन बाँकी छ ।  आगलागी नियन्त्रणामा  आइसकेको र घटना विषयमा थप अनुसन्धान भइरहेको जिल्ला प्रहरी कार्यालय बाराले जनाएको छ ।