एकसय भन्दा बढी मानिससंग डेढ करोड रुपैयाँ ठगी गर्ने पूर्व पत्रकार पक्राउ

एजेन्सी-
जनकपुरधाम, असार ४ गते ।

रोजगारी दिलाइदिने भन्दै एकसय भन्दा बढी मानिससंग डेढ करोड रुपैयाँ ठगी गरेको आरोपमा एक भारतीय पूर्व पत्रकार पक्राउ परेका छन् ।

भारतीय प्रहरीका अनुसार ती पूर्व पत्रकारले आईपीएस बनेर विदेश तथा दिल्ली–एनसीआरमा बहुराष्ट्रिय कम्पनीमा काम लगाइदिने भन्दै ती मानिसहरूसँग ठगी गरेका हुन् ।

ती पूर्वपत्रकार अनुज प्रकाश हुन् जसले २ समाचार टीभी च्यानलमा काम गरिसकेको पाइएको प्रहरीले जनाएको छ ।

रिटायर्ड मेजर आर हुड्डा र उनकी पत्नी शेफालीले पूर्व पत्रकारले ठगी गरेको भन्दै उजुरी दिएपछि उनी पक्राउ गरिएको भारतीय प्रहरीले जनाएका छन् । एजेन्सी