महोत्तरीको भंगहा प्रहरी चौकीमा कार्यरत असईको कोरोना संक्रमणबाट मृत्यु

टुडेपाटी-
जनकपुरधाम, असार ३ गते ।

महोत्तरीमा कोरोना संक्रमणबाट एकजना प्रहरी असईको मृत्यु भएको छ ।

महोत्तरीको भंगहा नगरपालिकामा प्रहरी चौकीमा कार्यरत करिब ४० वर्षीय प्रहरी सहायक निरीक्षक (असई) को कोरोना संक्रमणबाट मृत्यु भएको महोत्तरीका प्रहरी प्रमुख प्रहरी उपरीक्षक दिनेश आचार्यले जानकारी दिए । 

जानकी हेल्थकेयरमा उपचाररत असईलाई प्रादेशिक अस्पतालमा रिफर गरिएको र त्यहाँ नै उनको मृत्यु भएको प्रहरी उपरीक्षक आचार्यले बताए ।

‘जानकी हेल्थकेयरबाट प्रादेशिक अस्पतालमा रिफर गरिएको हामीलाई रिपोर्टिङ भएको छ,’ एसपी आचार्यले भने । यद्यपि परिवारजनले जनकपुरधामस्थित रामजानकी अस्पतालमा मृत्यु भएको बताउँछन् ।