मेलम्चीमा होटेलको छतमा फसेका दुई युवाको सेनाको हेलिकप्टरबाट सकुशल उद्धार

टुडेपाटी-
सिन्धुपाल्चोक, असार २ गते ।

मेलम्ची नदीमा आएको बाढीले गर्दा मेलम्चीको रोज होटलमा फसेका दुई युवाको उद्धार गरिएको छ ।

बाढीले घर पुरिएपछि होटेलको छतमा रहेका दुई युवाको नेपाली सेनाको हेलिकप्टरले उद्धार गरेको जिल्ला प्रहरी कार्यालयका डिएसपी प्रकाश सापकोटाले जानकारी दिए ।

मंगलबार बेलुकीदेखि चलेको बाढी र पहिरोमा हराइरहेका झण्डै ५० मध्ये दुई जनाको शव फेला परेको छ । ​बाढी र पहिरोग्रस्त क्षेत्रमा स्थलमार्गबाट उद्धार गर्न जानसक्ने स्थिति छैन । बाढी र पहिरोको चपेटामा फसेकालाई उद्धार गर्न तथा पीडित कहाँ राहत पुर्‍याउन सुरक्षा निकाय र निजी वायुसेवा कम्पनीसँग रहेका हेलिकोप्टर परिचालन भएको छ ।

बाढीमा फसेकाहरुको उद्धार कार्य जारी रहेको छ ।