तीन मन्त्रालयसहित प्रदेश २ सरकारमा सहभागी हुँदै काँग्रेस, साँझ सपथ

टुडेपाटी–

जनकपुरधाम, जेठ २६ गते ।

नेपाली काँग्रेस अाजै प्रदेश २ सरकारमा सहभागी हुन लागेको छ ।

काँग्रेस संसदीय दलका नेता रामसरोज यादवको नेतृत्वमा ३ मन्त्रालयसहित सहभागी हुन लागेको हो ।

बुधबार मुख्यमन्त्री लालबाबु राउत र कांग्रेस संसदीय दलका नेता रामसरोज यादवबीच सरकारमा जाने सहमति भएको हो । यादवलाई भौतिक मन्त्रालय, ओमप्रकाश शर्मा खानेपानी तथा सिँचाई र वीरेन्द्र सिंहलाई सञ्चार मन्त्रालय दिने सहमति भएको हो।

नवनियुक्त मन्त्रीहरूको शपथग्रहण साँझ ७:३० बजे तय भएको छ ।

सरकारमा सहभागी गराउन सरकार र काँग्रेस बिच निरन्तर बार्ता तथा छलफल हुँदै अाएको थियो ।

काँग्रेस र माअोवादीलाई सरकारमा ल्याउन सरकारले ५ मन्त्रालयलाई टुक्याएर १० वटा बनाएको छ ।