सिरहाका पुराना कम्युनिष्ट नेता विष्णुलाल वाइवाको निधन

टुडेपाटी-
सिरहा,जेठ २१ गते ।

सिरहाका पुराना कम्युनिष्ट नेता विष्णुलाल वाइवाको निधन भएको छ ।

नेकपा (माओवादी केन्द्र)का केन्द्रीय सदस्य समेत रहेका
सिरहाको कर्जन्हा निवासी ७८ वर्षीय वाइवाको कोरोना संक्रमणको कारण बिहीबार साँझ झापामा निधन भएको हो ।

तीन साताअघि स्वास्थ्यमा समस्या देखिएपछि उनलाई उपचारको लागि झापाको आम्दा अस्पतालमा भर्ना गरिएको थियो ।

उपचारको क्रममा सोही हस्पिटलमा उनको मृत्यु भएको माओवादी केन्द्रका पोलिटव्युरो सदस्य विश्वनाथ साहले जानकारी दिए ।

एक साताअघि गरिएको परीक्षणमा कोरोना नेगेटिभ रिपोर्ट आए पनि फोक्सोको निमोनिया ठिक नहुँदा उनको मृत्यु भएको चिकित्सकहरुले बताएका छन् ।

वाइवा २०४८ सालमा संयुक्त जनमोर्चाको तर्फबाट सिरहाबाट सांसद निर्वाचित भएका थिए ।