नेपालमा कोरोनाबाट मृत्यु हुनेको संख्या ६ हजारा नाघ्यो

टुडेपाटी-
जनकपुरधाम, जेठ ७ गते ।

नेपालमा कोरोनाभाइरसबाट मृत्यु हुनेको संख्या शुक्रबार ६ हजार नाघेको छ ।

पछिल्लो २४ घण्टामा कोरोनाबाट देशभर १७७ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार शुक्रबार थप १७७ जनाको मृत्यु भएको हो ।

यो संगै नेपालमा कोरोना संक्रमणबाट मृत्यु हुनेको सख्या ६ हजार २४ पुगेको छ । यस्तै पछिल्लो २४ घण्टामा देशभर ८ हजार ६०७ जनामा कोरोनाभाइरस संक्रमण पुष्टि भएको छ ।

मन्त्रालयका अनुसार बितेको २४ घण्टामा २३ हजार २२६ जनाको नमुना परीक्षण गर्दा ८६०७ जनामा संक्रमण पुष्टि भएको हो ।
योसंगै आजसम्म १ लाख १६ हजार १९२ सक्रिय संक्रमित पुगेको मन्त्रालयले जनाएको छ ।

यस्तै सोही अवधिमा ७८९० जना संक्रमणमुक्त भएका छन् ।