कोरोनाबाट थप २४६ जनाको मृत्यु, झण्डै ८ हजार कोरोना मुक्त

टुडेपाटी-
जनकपुरधाम, जेठ ५ गते ।

पछिल्लो २४ घण्टामा नेपालमा कोरोना भाइरसको संक्रमणबाट २४६ जनाको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा देशैभर कोरोनाबाट सो संख्यामा मानिसहरुको मृत्यु भएको हो ।

यस्तै ८ हजार १७३ जनामा कोरोना भाइरसको संक्रमण पुष्टि भएको छ ।

पीसीआर विधिबाट गरिएको परीक्षणबाट ८ हजार ६४ र एन्टिजेन विधिबाट १०९ जनामा संक्रमण देखिएको मन्त्रालयले जनाएको छ ।

मन्त्रालयका अनुसार आज ७ हजार ९८९ जना निको भएका छन् ।