कोरोनाबाट बुधबार १६८ जनाको मृत्यु, सक्रिय संक्रमित संख्या एक लाख नाघ्यो

टुडेपाटी-
जनकपुरधाम, वैशाख २९ गते ।

कोरोना भाइरसको संक्रमणबाट पछिल्लो २४ घण्टामा १६८ जनाको मृत्यु भएको छ ।

स्वास्थ्य तथा जनसंख्या मन्त्रालयले बुधबार गरेको प्रेस ब्रिफिंगमा संक्रमणबाट पछिल्लो २४ घण्टामा १६८ जनाको मृत्यु भएको जनाएको छ ।

यस्तै पछिल्लो २४ घण्टामा देशभर ९ हजार ३०५ जनामा कोरोना भाइरसको संक्रमण पुष्टि भएको छ ।

२०३६२ पीसीआर र ४२४ एन्टिजेन परीक्षणमा ९३०५ जनामा संक्रमण पुष्टि भएको मन्त्रालयले जनाएको छ । योसंगै नेपालमा सक्रिय संक्रमितको संख्या एकलाख नाघेको छ । देशभर १ लाख १ हजार ६३४ जना सक्रिय संक्रमित देखिएका छन् ।

यस्तै पछिल्लो २४ घण्टामा देशभर ४ हजार ४४४ जना संक्रमणमुक्त भएर डिस्चार्ज भएका छन्।